Placuit atque convenit dunno Odiloni abbati et Viviano preposito, ceterisque monachis, necnon ab alia parte Maiolo preposito, ut terras inter se commutarent, quod et fecerunt. In primis donat Maiolus monachis Sancti Petri, ex terra comitale, campos duos, in pago Matisconense, in agro Meloniacense, et in Petalgio vocatur, quorum unus terminatur a mane et a medio die via publica, a sero et a cirtio terra Sancti Petri, et habet in longum perticas XVIII, in latum XVII et pedes V, et alius campus in Reunda vocatur, qui terminatur a tribus partibus terra Sancti Petri, a mane Craona currente, et habet in longum perticas XLVIII, in utrisque frontibus perticas VIIII. Deinde donant monachi Maiolo preposito unum campum in pago jam supradicto, et in ipso agro, et in Valle Sardoni, qui terminatur in circuitu terra Sancti Petri, a medio die rivo volvente, et habet in longum perticas XXXVIII et pedes VI, in una fronte perticas XXX, in alia fronte XXI. Infra istas terminationes, unusquisque in commutationem quod accepit teneat et possideat, sine ulla contradictione. Si quis contradixerit, auri uncias II componat, et postea firma et stabilis permaneat, cum stipulatione subnixa. S. Maioli præpositi, qui fieri et firmare rogavit. S. Wilelmi comitis. S. Widonis comitis. S. Wineboldi. S. Wilelmi. S. Raterii. S. Eldini. S. Constantii. S. Rotberti. Data per manus Aldonis presbiteri, II nonas martii, regnante Rotberto rege anno I.